Aksident i rëndë në kryeqytet, furgoni përplas autobusin e linjës Tiranë-Ndroq, 5 të plagosur

Një aksident i rëndë rrugor ka ndodhur këtë mesditë në Ndroq. Mësohet se 5 persona kanë mbetur të plagosur, 2 prej të cilëve ndodhen në gjendje më të rëndë për jetën dhe janë transportuar drejt Spitalit. 

 
Mësohet  se një furgon ka përplasur nga mbrapa autobusin e linjës Tiranë-Ndroq. Policia është në vendngjarje dhe po zbardh shkaqet e aksidentit.

Pasagjerët e tjerë të autobusit janë drejtuar drejt shtëpive të tyre. Ndërkohë ende nuk janë bërë publike emrat e personave të plagosur. 

(E.K/SHUPLAKA)