Një aksident i rëndë ka ndodhur në aksin Shkodër-Koplik. Sipas raportimeve paraprake një person ka humbur jetën.Aksidenti ka ndodhur në afërsi të fshatit Shtoj.
Makina tip ‘Benz’ me targa Sh 6616 D, përplasi qytetarin teksa kalonte rrugën, ndërsa goditja ka rezultuar fatale për këtë të fundit.
Dyshohet se viktimë e aksidentit ka mbetur një person i moshuar rreth 60 vjeç. Mësohet se drejtuesi i mjetit B.Ç është shoqëruar në polici.
Informacion Paraprak
Me datë 02.08.2018 rreth orës 21:30 jemi njoftuar se në aksin rrugor Shkodër-Koplik në vendin e quajtur fshati Shtoj ka ndodhur një aksident me pasojë vdekjen.
Në vendngjarje kanë shkuar shërbimet e policisë ku kanë konstatuar se mjeti tip Mercedez-Benz me drejtues shtetasin B. Ç, ka aksidentuar një shtetas këmbësor të paidentifikuar akoma, i cili ka gjetur vdekjen e menjëhershme.
Drejtuesi mjetit është shoqeruar në ambientet e D. V. P. Shkodër për veprime të mëtejshme
Në vendngjarje ndodhet grupi hetimor dhe po punohet për sqarimin e rrethanave të aksidentit.
(M.Q/Faxweb)
