Një aksident me pasojë vdekjen është shënuar paraditen e sotme në aksin rrugor Shkodër-Kryebushat.
Burime bëjnë me dije për Faxweb.al se një makinë ka dalë nga rruga, dhe për pasojë ka humbur jetën një person, i identifikuar si Mërgim Ferracaku.
Ndërkohë që drejtuesi i mjetit, ku viktima ishte pasagjer, është identifikuar si Armend Pervizi.
Policia ndodhet në vendin e ngjarjes, dhe po punon për zbardhjen e rrethanave të aksidentit të rëndë.
Njoftimi i policisë:
Me date 13.12.2019 rreth orës 11:45 në aksin rrugor Shkodër- Lezhë, në vendin e quajtur fshati Melgushë, mjeti tip Volkswagen me drejtues shtetasin A. P. 21 vjeç banues në fshatin Bushat, Shkodër, ka dalur nga rruga duke u përplasur me një mur rrethues, si pasojë ka gjetur vdekjen e menjëhershme shtetasi M. F. 26 vjeç banues në fshatin Trush, Shkodër.
Shtetasi A. P është dërguar në Spitalin Rajonal Shkodër dhe ndodhet nën kujdesin e mjekëve.
Po kryhen veprimet me grup hetimor për sqarimin e rrethanave të aksidentit
