Aksident i rëndë në Thumanë, 1 i vdekur dhe disa të plagosur si pasojë e përlasjes së ”BMW-së” me furgonin e mallrave

Një aksident i rëndë ka ndodhur orët e para të mëngjesit të sotëm në Fushë Krujë. Si shkak i përplasjes së dy mjeteve në Thumanë një person ka humbur jetën, ndërsa disa të tjerë janë plagosur.

Paraprakisht mësohet se ka humbur jetën shtetasi me inicialet Z.T që drejtonte një mjet furgon, ndërsa kanë mbetur të plagosur edhe personat që ishin duke udhëtuar me ”BMW” si dhe pasagjeri në furgonin e mallrave. 

DETAJET:

Në aksident janë përfshirë një mjet furgon mallrash, me drejtues Z. T, 38 vjeç dhe automjeti tip BMW me drejtues V.M. 41 vjeç, banues në Maqedoni.

Për pasojë ka humbur jetën rrugës për në spitalin e Traumës, drejtuesi i furgonit, Z.T.  

Të plagosur nga ky aksident kanë mbetur dhe E.D. 34 vjeç, banues në Kukës, pasagjer në mjetin tip furgon, V. M. 12 vjeç, B. M. 9 vjeç (fëmijët e drejtuesit të mjetit tip BMW) dhe F. M. 63 vjeçe, (e ëma e drejtuesit të mjetit tip BMW) banues në Maqedoni, pasagjerë në mjetin tip BMW të cilët ndodhen në Spitalin Ushtarak Tiranë jashtë rrezikut për jetën.

Grupi hetimor po punon për zbardhjen e shkaqeve të aksidentit.

(E.K/SHUPLAKA)