Aksident i rëndë në Tiranë-Durrës, makina bëhet copë pasi përplaset me mbikalimin

Një aksident i rëndë ka ndodhur mëngjesin e sotëm në autostradën Tiranë-Durrës ku një automjet është përplasur me mbikalimin e këmbësorëve.

Aksidenti ka ndodhur në kilometrin e 7 të autostradës, në vendin e quajtur “Kthesa e Kasharit”.

Siç shihet në fotot , makina e tipit Golf ka pësuar dëmtime të rënda.

Si pasojë thuhet se ka mbetur i plagosur rëndë drejtuesi i mjetit, i cili është transportuar me urgjencë për në spital.

Nuk dihet ende nëse kishte të tjerë pasagjerë në makinë.

Shkaqet e aksidentit janë të panjohura.

Një prej dëshmitarëve që ka qenë në vendngjarje shkruan: ‘’Aksidenti ndodhi sot në mëngjes. Shoferin e çuan në urgjencë me makinat e rastit. Kishte shumë gjakderdhje.”