Aksident me pasojë vdekjen në Tiranë. Dy persona humbin jetën, dy të tjerë të plagosur

Një aksident ka ndodhur pak minuta më parë në Tiranë si pasojë e të cilit kanë humbur jetën dy persona.

Aksidenti është regjistruar në segmentin Tapizë-Kamëz tek rrethrrotullimi  i Tapizës, ku një mjet tip Audi më targa AA 086 RF,  ka dalë nga rruga, ndërkohë ka humbur jetën drejtuesi i mjetit E.H, 34 vjeç dhe pasagjerja  shtetasja RR.Gj 28 vjeçe.

Po ashtu nga aksidenti kanë mbetur të plagosura edhe dy persona të tjerë, pasagjere në këtë mjet, të cilat janë transportuar në spital ku dhe ndodhen jashtë rrezikut për jetën.

Policia ka shkuar në vendngjarje për hetime të mëtejshme rreth shkaqeve të aksidentit.

Njoftimi i policisë:

Tiranë/Informacion paraprak.

Në segmentin Tapizë-Kamëz tek rrethrrotullimi i Tapizës, mjeti markes Audi më targa AA 086 RF, që drejtohej nga shtetasi E.H, 34 vjeç, ka humbur kontrollin duke dalë nga rruga dhe për pasojë ka gjetur vdekjen drejtuesi i mjetit si dhe pasagjerja shtetasja RR.Gj 28 vjeçe.

Gjithashtu janë dëmtuar dhe janë transportuar për në spital për momentin jashtë rrezikut për jetën edhe dy shtetase të tjera që ishin pasagjere në këtë mjet.

Grupi hetimor ndodhet në vendngjarje dhe po punon për përcaktimin e plotë të shkakut të daljes nga rruga.

(B.L/FAXWEB.AL)