Aksident me vdekje në Elbasan, makina përplas kalimtarin

Një aksident i rëndë ka ndodhur pasditën e sotme në Elbasan, ku një 60 vjeçar ka humbur jetën.

60 vjeçari, identiteti i cilit nuk bëhet i ditur është përplasur për vdekje nga një mjet tip “Volkswagen, që drejtohej nga 47 vjeçari L.K banues në Tiranë.

Drejtuesi i mjetit është shoqëruar në Komisariat për veprime të mëtejshme procedurale. Grupi hetimor po punon për zbardhjen e shkakut të aksidentit.

Njoftimi zyrtar:

Në lagjen “28 Nëntori”, Elbasan, shtetasi L.K., 47 vjeç, banues në Tiranë, duke drejtuar mjetin tip “Volkswagen”, ka aksidentuar një shtetas këmbësor, rreth 60 vjeç, ende i paidentifikuar, i cili ka ndërruar jetë.

Drejtuesi i mjetit është shoqëruar në Komisariatin e Policisë Elbasan, për veprime të mëtejshme procedurale. Grupi hetimor ndodhet në vendngjarje dhe po punon për zbardhjen e shkakut të aksidentit.

(K.H/Faxweb.al)