Aksident me vdekje në Shijak, makina përplas drejtuesin e motorçikletës

Një aksident me pasojë vdekjen e një personi ka ndodhur pasditen e sotme në vendin e njohur si “Katër rrugët e Shijakut”.

Mësohet se viktima është drejtuesi i një motorri i cili është përplasur një automjet tip BMW pa targa, ku për pasojë ka ndërruar jetë drejtuesi i motoçikletës, i paidentifikuar.

Policia është nisur drejt vendit të ngjarjes për të zbuluar shkaqet dhe rrethanat e aksidentit të rëndë si dhe ka shpallur në kërkim autorin.

Informacion paraprak

Më datë 02.09.2019, në vendin e quajtur” Katër Rrugët “, Shijak shtetasi S.D., duke drejtuar mjetin tip BMV është përplasur me mjetin motoçiklet tip Jamaha, pa targa, ku për pasojë ka ndërruar jetë drejtuesi i motoçikletës, i paidentifikuar.

Grupi hetimor po punon për identifikimin e shtetasit që ka ndërruar jetë si dhe ka shoqëruar drejtuesin e mjetit në ambientet e policisë për sqarimin e rrethanave të ngjarjes.

(FF.GJ/FAXWEB.AL)