Aksident në aksin Lushnje-Berat, i riu humb kontrollin e mjetit dhe del nga rruga

Një aksident ka ndodhur mëngjesin e sotëm në aksin rrugor Lushnjë-Berat, pranë fshatit Çiflig nga ku mësohet se 23-vjeçari Bledi Korreshi, duke drejtuar mjetin e tij ka dalë nga rruga.

Bëhet me dije se 23-vjeçari është transportuar fillimisht në spitalin e Lushnjës, ku pasi ka marrë ndihmën e parë, është nisur drejt spitalit të Traumës në Tiranë.

Gjithashtu mësohet se mjeti që ai drejtonte ishte marrë me qira teksa dalja nga rruga e mjetit ka ndodhur në rrethrrotullim, ndërsa është shkatërruar edhe mbrojtësja anësore metalike e rrugës.