Një aksident ka ndodhur mbrëmjen e sotme në aksin Lushjë-Fier ku një mjet tip ‘Benz’ është përplasur me një mjet tip ‘Opel’ dhe për pasojë kanë mbetur të plagosur disa pasagjerë.
Sipas policisë personat që kanë mbetur të lënduar janë transportuar drejt spitalit dhe janë nën kujdesin e mjekëve.
NJOFTIMI I POLICISË:
Fier
Informacion paraprak
Në datën 19.12.2017, rreth orës 19:50, në aksin rrugor Lushnje-Fier në vëndin e quajtur “Vajkan” është përplasur mjeti tip “Benz” me drejtues shtetasin M.M, 46 vjeç, banues në Vajkan, me mjetin tip “Opel” me drejtues shtetasin D.J, 52 vjeç, banues në Vajkan.
Si pasojë janë dëmtuar pasagjerët, shtetasit A.M, 52 vjeç, E.M,41 vjeçe dhe B.P, 39 vjeçe, të cilët ndodhen në Spitalit Rajonal Fier nën kujdesin e mjekëve.
Grupi hetimor po punon për zbardhjen e plotë të ngjarjes. (B.H/Faxweb)
