Një aksident me të plagosur ka ndodhur disa minuta më parë në aksin rrugor Fier – Seman.
Një automjet ka goditur një tjeter nga pas dhe si pasojë e goditjes është plagosur një drejtues mjeti dhe një pasagjere.
Burime nga policia pohojnë se të plagosurit janë dërguar menjëherë në urgjencën e spitalit ku po marrin ndihmën mjekësore.
Një grua ka marrë mjekim dhe është larguar ndërsa drejtuesi i mjetit paraqitet në gjendje më të rëndë shëndetësore , por jashtë rrezikut për jetën.
Njoftimi i policisë:
Fier/Informacion paraprak
Rreth orës 10:50, në aksin rrugor “Fier-Seman”, automjeti tip “Benz” me drejtues shtetasin B. S., 58 vjeç, është përplasur me automjetin me drejtues shtetasin R. S., 56 vjeç.
Për pasojë është dëmtuar shtetasi R. S. dhe pasagjerja në automjetin tip “Benz”, shtetasja F. Ll., 56 vjeçe, të cilët ndodhen në spital, në kujdesin e mjekëve.
Grupi hetimor po punon për zbardhjen e shkakut të aksidentit.
