Është rrëzuar një automjet në aksin rrugor Vlorë-Levan. Automjeti është rrëzuar në një kanal në vendin ku po bëhet Bypassi, në Vlorë, në rrugën Transballkanike, rrugë e cila njihet për mungesën e sinjalistikës për shkak edhe të punimeve që po bëhen në atë zonë.
Mësohet se një automjet tip “Mercedes Benz S Class” me targa AA 730 PH që drejtohej nga shtetasi L.B., 34 vjeç, ka rënë në një gropë të hapur gjatë punimeve në zonën ku del nga autostrada dhe hyn në transballkanike.
Fatmirësisht dy persona që ndodheshin në makinë, shoferi dhe një pasagjeri nuk kanë pësuar lëndime dhe kanë dalë nga automjeti vetë. Automjeti ka rënë plotësisht në gropën e mbushur me ujë dhe është batuar në një anë. Policia ka shkuar në vendin e ngjarjes dhe ka nisur hetimet. (J.V/Shuplaka)
Discussion about this post