Një tjetër aksident i rëndë ka ndodhur në aksin rrugor Tepelenë-Gjirokastër, ku për pasojë ka mbetur i vdekur një këmbësor.
Sipas njoftimit të policisë, aksidenti është shkaktuar nga shoferi i një autobusi, i cili ka përplasur këmbësorin, duke e lënë të vdekur në vend. Në vendngjarje janë të pranishme forcat e policisë dhe ambulanca, ndërsa shoferi është shoqëruar në komisariat.
Deri tani dyshohet që viktima të jetë nga Këlcyra ose Përmeti, por ende nuk dihet identiteti i tij pasi nuk kishte asnjë mjet identifikimi me vete.
“Rreth orës 18:15, në aksin rrugorë Tepelenë – Gjirokastër, në afërsi të fshatit Humelic, një autobus, me drejtues shtetasin L.R, 45 vjeç, banues Vlorë ka goditur një këmbësor, i cili ka ndërruar jetë.
Në vendngjarje ka shkuar grupi hetimor dhe po punonon për zbardhjen e shkaqeve të aksidentit. Drejtuesi i autobusit është shoqëruar në komisariatin e policisë Gjirokastër dhe po kryehen veprimet proceduriale”, njoftoi Policia e Gjirokastrës.
