Aksident në autostradën Tiranë- Durrës. 40-vjeçari ndërpret rrugën, makinat i kalojnë sipër

Një ngjarje e rëndë ka ndodhur mbrëmjen e kaluar në autostradën Tiranë-Durrës, ku një kalimtar është përplasur për vdekje.

Ky aksident tragjik ka ndodhur rreth orës 19:00, ku një mjet tip Wolsvagen me targa DR 5189 E, i drejtuar nga shetësja T.H ka përplasur për vdekje një kalimtar, i cili mendohet të jetë banor i Fllakës së Durrësit.

Trupi i viktimës i mbetur në rrugë është shtypur edhe nga automjete të tjera dhe policia nuk ka mundur ta identifikojë ende.

Bardhë e blutë dyshojnë se ka qenë vetë kalimtari ai që i ka ndërprerë rrugën makinës papritmas. Sipas njoftimeve, drejtuesja e mjetit është e tronditur dhe ndodhet në Spitalin Rajonal të Durrësit.