Aksident në autostradën Tiranë-Durrës, humb jetën 45-vjeçarja

Një aksident i ndodhur pasditen e sotme, rreth orës 17:30, në autostradën Tiranë-Durrës, i ka marrë jetën një 45-vjeçareje.

Sipas njoftimit të Policisë, viktima është shtetasja me iniciale N.L dhe u përplas për vdekje nga një makinë tip “Volkswagen”, që drejtohej nga 26-vjeçari me iniciale A.F.

45-vjeçarja u dërgua në spital në gjendje të rëndë, por nuk mundi të mbijetonte, ndërkohë drejtuesi i makinës A.F 26 vjeç është shoqëruar nga policia për t’u marrë në pyetje.

Policia po punon për zbardhjen e plotë të rrethanave të aksidentit. (A.R/SHUPLAKA)