Një aksidenti automobilistik ka ndodhur mbrëmjen e djeshme në aksin rrugor Kuçovë-Belsh. Makina që drejtohej nga shtetasi K.K., 22 vjeç u përplas me mbrojtësen metalike të rrugës. Si pasojë humbi jetën shtetasi Uran Shehu 37 vjeç, banues në Belsh, i cili ishte pasagjer në makinë.
Ndërsa pasagjeri tjetër 14 vjeç ishte pa probleme.
Pas ekzaminimeve mjekësore shoferi 22-vjeçar u shoqërua në ambjentet e policisë për veprime të mëtejshme.
Njoftimi i Policisë:
Elbasan/Informacion paraprak
Në aksin rrugor Kuçovë-Belsh, automjeti që drejtohej nga shtetasi K. K., 22 vjeç, banues në Belsh, është përplasur me mbrojtësen metalike të rrugës.
Nga përplasja, ka ndërruar jetë në vendngjarje, shtetasi U. Sh., 37 vjeç, banues në Belsh, pasagjer, në këtë automjet.
Drejtuesi i automjetit shtetasi K. K., pasi kreu ekzaminimet në spital ku rezultoi pa probleme, u shoqërua në ambientet e Policisë për veprime të mëtejshme.
Gjithashtu, kreu ekzaminimet edhe pasagjeri tjetër 14 vjeç, dhe u largua për në banesë, pa probleme.
Shërbimet e Sektorit të Qarkullimit Rrugor dhe grupi hetimor ndodhen në vendngjarje dhe po punojnë për përcaktimin e plotë të shkaqeve si edhe rrethanave të aksidentit, paraprakisht dyshohet se shkaku i përplasjes me mbrojtësen metalike është humbja e kontrollit mbi drejtimin e automjetit nga drejtuesi i automjetit.
Discussion about this post