Një aksident i rëndë ka ndodhur në Martanesh në afërsi të Krastës, ku një furgon me disa minatorë ka dalë nga rruga dhe ka rënë në një humnerë.
Për pasojë njëri prej tyre është në gjendje të rëndë dhe është transportuar me helikopter drejt spitalit, ndërsa të tjerët janë janë transportuar me ambulancë drejt spitalit, raporton ‘Fax News’. Ndërkohë policia po punon për kapjen e drejtuesit të mjetit i cili është larguar nga vendngjarje.
Njoftimi i plotë
Rreth orës 17.50, Policia e Bulqizës ka marrë njoftim se në aksin e rrugës dytësore Tërnovë-Bulqizë, një automjet ka dalë nga rruga.
Menjëherë është ngritur grupi hetimor ku nga verifikimet paraprake kanë konstatuar se ka dalë rreth 20 metra poshtë rrugës, automjeti tip ‘Mercedez Benz’, me drejtues Y.H, dhe për pasojë janë dëmtuar pasagjerët , A.S, 45 vjeç, i cili është transportuar me helikopter drejt Tiranës, D.M, 42 vjeçe, është transportuar me ambulancë drejt Tiranës, Xh.K, 44 vjeçe, dhe V.K, 32 vjeçe, të cilat po marrin ndihmë në Spitalin e Bulqizës, jashtë rrezikut për jetën.
Po punohet për kapjen e drejtuesit të automjetit pasi është largur nga vendi i ngjarjes.
Grupi hetimor vijon hetimet në vendin e ngjarjes, po punohet për zbardhjen e shkaqeve të aksidentit.
(B.H/Faxweb)
