Pasditen e sotme një aksident automobilistik ka ndodhur në qytetin e Fierit. Rreth orës 16:35 në aksin rrugor Fier-Berat, në vendin e quajtur “Strumë”, një automjet tip “Benz” ka devijuar nga rruga dhe është goditur me një plep anës rrugës.
Si pasojë është plagosur drejtuesi i automjetit.
“I plagosuri G.Z, 27 vjeç banues në fshatin Kuman, Roskovec duke drejtuar mjetin tip “Benz” me targa AA 370 NI, ka humbur kontrollin e mjetit dhe ka dalë jashtë rruge duke goditur një plep.”, njofton policia.
Pas aksidentit, G.Z është dërguar me urgjencë në Spitalin Rajonal të Fierit, ku ndodhet në gjendje të rëndë shëndetësore.
Ndërkohë, policia ka nisur hetimet për të zbardhur ngjarjen. (D.D/Shuplaka)
