Një aksident automobilistik ka ndodhur në aksin Fushë Krujë – Tiranë në afërsi të Larushkut, me pasojë plagosjen e tre personave. Fax News raporton se një makinë tip Benz me targë AA516BB në të cilin udhetonin 3 persona është futur në parakalim në mënyrë të gabuar dhe ka goditur një Opel me targa të Korçës e më pas ka humbur kontrollin duke u përplasur me një bordurë betoni jashtë rrugës.
Për pasoje kanë mbetur të plagosur rëndë shtetasit: Mevlan Hakorja, Fatjon Hakuja,Vullnet Zenja, që të tre banues në Tiranë.
Te plagosurit janë dërguar me urgjence në spitalin e Traumës në Tiranë.
Duhet theksuar se ndonëse kjo pikë është një pikë e nxehtë aksidentesh ku ka patur disa të vdekur ( i fundit disa ditë më parë, një grua) e dhjetra të plagosur, asnjë masë nuk është marrë nga firma mirmbajtese apo nga Autoriteti Rrugor për përmirësimin e sinjalistikës apo ndriçimit
(M.Q/Faxweb)
Discussion about this post