Aksident në Kamëz, autobuzi përplas për vdekje të moshuarën

Vetëm pak minuta më parë një aksident i rëndë ka ndodhur në Kamëz  pasi një automjet ka përplasur për vdekje një të moshuar. “Tek “Ura e Institutit”, autobuzi i linjës së Kamzës, me drejtues shtetasin B. Ç., ka aksidentuar me vdekje, një shtetase (femër), ende të paidentifikuar, të moshuar.”, njofton policia.

DETAJE:

Rreth orës 08:30, në Numrin e Emergjencave 112, jemi njoftuar se tek “Ura e Institutit”, në Kamëz, një autobuz linje ka aksidentuar një këmbësore.

Në vendngjarje kanë mbërritur shërbimet e policisë dhe ambulanca, ku nga verifikimet paraprake rezulton se :

Tek “Ura e Institutit”, autobuzi i linjës së Kamzës, me drejtues shtetasin B. Ç., ka aksidentuar me vdekje, një shtetase (femër), ende të paidentifikuar, të moshuar. Mjeti dhe drejtuesi ndodhen në vendngjarje. Po kryhen veprimet nga shërbimet e policisë. (J.V/Shuplaka)