Një aksident ka ndodhur pasditen e sotme në urën e Institutit Bujqësor në Kamëz, ku një automjet tip “BMW” ngjyrë gri është përplasur me autobusin e linjës së Paskuqanit.
Mësohet se për fat të mirë nuk ka persona të lënduar por vetëm dëme materiale. Një vajzë e moshës 25 vjeç drejtonte “BMW-në” dhe nuk mbeti e plagosur nga përplasja.
Dëshmitarët në vendngjarje, të cilët kanë dërguar disa foto të aksidentit në redaksinë e “JOQ” shkruajnë se “BMW-ja” ka pësuar dëmtime në pjesën e kofanos, pasi është përplasur “ballë për ballë” me autobusin.
Sakaq, shkak i aksidentit mësohet të jetë bërë një parakalim i gabuar nga ana e të dy automjeteve. Si pasojë e aksidentit, është bllokuar i gjithë qarkullimi në rrugë dhe është krijuar trafik. Pas aksidentit, katër autobusë të tjerë shihet teksa presin në radhë që të kalojnë ndërkohë që as policia as ambulanca nuk kanë mbërritur ende. (D.D/Shuplaka)
[ngg_images source=”galleries” container_ids=”2502″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post