Një aksident ka ndodhur në Korçë në bulkevardin “Gjergj Kastrioti” ku një makinë tip “Ford” ka përplasur një këmbësore 75-vjeçare, e cila u dërgua me urgjencë në spital.
Drejtuesi i mjetit shtetasi N.SH është punonjës policie ndihmës specialist për edukimin në shkolla pranë DVP Korçë.
75-vjeçare është nën kujdesin e mjekëve në spital jashtë rrezikut për jetën.
Njoftimi i Policisë:
Korçë/Informacion paraprak
Sot në lagjen nr. 18, në bulevard “Gjergj Kastrioti”, automjeti privat tip “Ford” me drejtues shtetasin N. Sh., (punonjës policie, nd/specialist për edukimin në shkolla, pranë Drejtorisë Vendore të Policisë Korçë) ka aksidentuar këmbësoren V. P., rreth 75 vjeçe, banuese në Korçë, e cila u dërgua për mjekim në spitalin e Korçës.
Nga ana e Policisë po kryhen veprimet e mëtejshme procedurale me drejtuesin e automjetit.
Grupi hetimor nën drejtimin e Prokurorisë po punon për zbardhjen e rrethanave dhe përcaktimin e shkaqeve të aksidentit.
