Një aksident me pasojë vdekjen e një gruaje, u shënua ditën e djeshme teksa katër gra ishin duke u kthyer nga festimi i 8 Marsit.
Burime të policisë bëjnë të ditur se është vënë në pranga autori i këtij aksidenti, i identifikuar si Kledimir Sallo 29 vjeç, banues në fshatin Grunjas, Pogradec.
Ai akuzohet për aksidentin ku humbi jetën shtetësja 35-vjeçare E. S. dhe plagosjen e dy të tjerave.
Detaje të Policisë së Korçës:
Specialistët e Sektorit për Qarkullimin Rrugor në Korçë, bënë kapjen dhe arrestimin në flagrancë të shtetasit :
Kledimir Sallo, 29 vjeç, banues në fshatin Grunjas – Pogradec.
Arrestimi i tij u bë pasi, më datë 08.03.2017, ky shtetas në rrugën nacionale Korçë – Pogradec pranë fshatit Gurishtë, duke drejtuar mjetin tip “Reno”, me targë KO 8946 A, ka humbur drejtimin e mjetit, duke dalë nga rruga dhe për pasojë ka aksidentuar shtetaset :
- S, 35 vjeçe, e cila ndërroi jetë në Spitalin e Korçës
- P, 45 vjeçe
- S, 28 vjeçe, banuese në Grunjas të cilat u transportuan në Tiranë, për mjekim më të specializuar si edhe shtetasen
- S, 32 vjeçe e cila së bashku me drejtuesin e mjetit po marrin mjekim në Spitalin e Korçës.
Materialet në ngarkim të tij, i kaluan Prokurorisë të Rrethit Gjyqësor Korçë, për veprën pënale : “Shkelja e rregullave të qarkullimit rrugor” parashikuar nga neni 290 i Kodit Penal.
(XH.A/SHUPLAKA)
