Një aksident ka ndodhur mëngjesin e sotëm në qendër të qytetit të Krujës, dhe për pasojë kanë mbetur të plagosur dy persona.
Faxweb.al mëson se dy mjetet janë përplasur në qendër të qytetit, ndërsa një prej të plagosurve është nisur drejt spitalit të Traumës në Tiranë, për shkak të plagëve të marra, që kërkonin një mjekim të specializuar.
Ende nuk bëhen të ditura identitetet e personave që kanë mbetur të plagosur, ndërsa policia po heton lidhur me shkaqet që kanë sjellë këtë aksident. Ende nuk ka një njoftim zyrtar nga ane e bluve të Krujës për aksidentin.
(E.K/Faxweb.al)
