Një aksident ka ndodhur pranë kthesës së rrugës së Kombit në Fushë-Milot, përkatësisht në vendin e njohur si Ura e Patokut, ku një drejtues ka humbur kontrollin e mjetit duke u përplasur më trafikndarësen.
Nga burimet për Faxweb.al, mësohet se kanë mbetur të plagosur rëndë drejtuesi i mjetit dhe një pasagjere e cila ka qëndruar për rreth 40 minuta poshtë veturës.
Ndërkohë, raportohet se ka pasur një vonesë të theksuar të mbërritjes së ambulancës në vendngjarje e cila ka bërë më pas transportimin e të plagosurve në aksident.
Nuk dihet identiteti i këtyre të fundit ndërsa Policia ndodhet në vendin e ngjarjes për të zbuluar shkaqet dhe rrethanat e këtij aksidenti.
(F.GJ/FAXWEB.AL)
