Dy persona kanë ndërruar jetë dhe 4 të tjerë janë plagosur si pasojë e një aksidenti automobilistik.
Ngjarja ka ndodhur në mesnatë, në rrugë Prishtinë–Podujevë, në fshatin Vranidoll të Podujevës.
Mësohet se viktimat janë një person i moshuar dhe një grua ndërsa janë lënduar edhe katër persona të tjerë.
Sipas fotove të mëposhtme të marra nga podujeva.com, duken automjetet e copëtuara dhe urgjenca e cia ka mbërritur në vendngjarje.
Ende nuk dihen shkaqet e aksidentit, kurse rruga ku ka ndodhur aksidenti është bllokuar për më shumë se një orë.
Në vendin e ngjarjes për t’u ardhur në ndihmë policëve janë parë edhe zjarrëfikësit.
(F.M/Faxweb)
Discussion about this post