Një aksident me pasojë plagosjen e rëndë të një 45-vjeçari ka ndodhur mbrëmjen e sotme në Shkodër.
Ngjarja ka ndodhur rreth orës 20:10, në rrugën nacionale Koplik – Shkodër, në fshatin Dobraç, ku është gjetur i shtrirë në tokë shtetasi me iniciale Z.GJ. 45 vjeç, banues në Shkodër.
Sipas policisë, ai ka qenë duke udhëtuar me biçikletë, ndërsa është aksidentuar nga një automjet, i cili më pas është larguar nga vendi ngjarjes.
45 vjeçari i plagosur u dërgua me urgjencë në spitalin rajonal ku mësohet se është në gjendje të rëndë shëndetësore.
Policia ka nisur hetimet për identifikimin dhe zbulimin e autorit të aksidentit.
