Një aksident automobilistik ka ndodhur pasditen e sotme në Shkodër, në fshatin Zues. 27-vjeçarja E.G. ka humbur kontrollin e makinës së saj dhe për pasojë është përplasur me një shtyllë elektrike.
Në makinë ajo kishte edhe dy pasagjere, A.D., 21 vjeçe dhe B.G., 21 vjeçe, të cilat janë dërguar në spital ku ndodhen në kujdesin e mjekëve jashtë rrezikut për jetën.
Sakaq policia po vijon punën për nxjerrjen e drejtueses së makinës nga automjeti i përplasur, me qëllim transportimin e saj në spital.
Njoftimi i Policisë:
Shkodër/Informacion paraprak
Rreth orës 14:50, në fshatin Zues, shtetasja E. G., 27 vjeçe, ka humbur kontrollin mbi automjetin që drejtonte dhe si pasojë automjeti është përplasur me një shtyllë elektrike, në anë të rrugës. Nga përplasja, janë dëmtuar 27-vjeçarja dhe pasagjeret në automjet, shtetaset A. D., 21 vjeçe dhe B. G., 21 vjeçe.
Shërbimet e Policisë kanë shkuar menjëherë në vendin e aksidentit, ku vijon puna për nxjerrjen e drejtueses, nga automjeti i përplasur, me qëllim transportimin në spital. Ndërkaq, 2 pasagjeret janë në spital, në kujdesin e mjekëve dhe jashtë rrezikut për jetën.
Grupi hetimor po punon për sqarimin e rrethanave të aksidentit.
