Aksident në Shkodër, ngel i bllokuar në gjendje të rëndë punonjësi i spitalit (EMRI)

Një aksident i rëndë mësohet të ketë ndodhur në aksin Shkodër-Bushat, ku dy makina janë përplasur në afërsi të fashtit Beltojë.

Nga të dhënat e para, mësohet se nga aksidenti ka mbetur i plagosur një person i cili është i bllokuar në makinë.

Sipas po të njëjtave burime, bëhet e ditur se i aksientuari është Pjetër Rroku, punonjës në Spitalin e Shkodrës me dytyrë ndihmës-mjek dhe është në gjendje të rëndë.

Ai ka qenë duke udhëtuar me makinën e tij dhe është përplasur me një fuoristradë. Policia dhe zjarrfikësit kanë mbërritur në vendin e ngjarjes dhe po punojnë për zbardhjen e plotë të shkaqeve dhe rrethanave në të cilat ka ndodhur ngjarja.

Njoftimi i policisë: 

Shkodër/ Informacion Paraprak

Me datë 14.02.2019 rreth orës 16:00 ka ndodhur një aksident në fshatin Beltojë, Shkodër, mjeti tip Fiat është perplasur me mjetin tip Toyota, nga i cili ka mbetur i demtuar drejtuesi i mjetit tip Fiat, shtetasi P. Rr. 58 vjeç, banues në Beltojë, Shkodër dhe ndodhet në Spitalin Rajonal Shkodër jashtë rreziku për jetën.

Grupi hetimor ndodhet në vendngjarje dhe po kryen veprimet për sqarimin e rrethanave të aksidentit.

(B.B/ Faxweb.al)