Aksident te Fresku në Tiranë, tre të plagosur, njëri mbetet i bllokuar në makinë

Ditën e sotme një aksident rrugor ka ndodhur në zonën e Freskut në kryeqytet, si pasojë e të cilit ka disa të plagosur.

Mësohet se në këtë zonë, janë përplasur dy automjete ndërsa kanë mbetur të lënduar dy vajza dhe një djalë.

Një nga të plagosurit kishte mbetur i bllokuar në makinë dhe u desh ndërhyrja e zjarrfikësve për ta nxjerrë jashtë. Gjendja shëndetësore e të plagosurve nuk bëhet e ditur, ndërkohë që policia ka nisur hetimet për të zbardhur detajet e plota të ngjarjes. (D.D/Shuplaka)

Njoftimi i policisë:

Tiranë.

Informacion paraprak.

Më datë 06.09.2017, rreth orës 15:25, në numrin e Emergjencave 112, ka ardhur një telefontë për përplasje mjetesh tek zona e Freskut.

Në vendngjarje kanë mbërritur shërbimet e policisë dhe ambulanca, ku nga verifikimet paraprake rezulton se :

Mjeti tip “Volkswage” me drejtues shtetasin E.D. është përplasur me mjetin tip “Fiat” me drejtues shtetasin K.L, ku si pasojë e përplasjes është dëmtuar drejtuesi i mjetit tip “Fiat”, shtetasi K.L., dhe pasagjeret po në këtë mjet, shtetaset B.Ç., dhe H.B., të cilët janë jashtë rrezikut për jetën.

Grupi hetimor po punon për zbardhjen e rrethanave dhe shkaqeve të përplasjes së mjeteve.