Një aksident është shënuar pranë Stacionit të Trenit, ku një person me biçikletë ka përplasur një të moshuar rreth moshës 80-vjeçare. Si pasojë i moshuari ka pësuar plagë në kokë dhe në duar. Pas disa minutash gjendje të fikëti, zotëria është përmendur pas ndihmës së qytetarëve të cilët u ndodhën aty në momentet e ngjarjes.
Ndërkohë që ambulanca u vonua rreth 30 minuta, zotëria mbeti në mes të rrugës, i ulur në trotuar tregon një qytetar për “Shuplaka”. Ai gjithashtu ankohet se polici që menaxhonte trafikun aty pranë, as që u afrua për t’u interesuar për gjendjen e të moshuarit që u aksidentua para syve të tij. Ndërkohë ende nuk dihet gjendja e të moshuarit, i cili është shoqëruar nga bluzat e bardha drejt spitalit. Zotëria nga tronditja që pësoi nuk mbante mend as emrin e tij, pavarësisht se qytetarët e pyesnin për të mësuar nëse njihnin ndonjë të afërm të tij për ta lajmëruar. (D.D/Shuplaka)
[ngg_images source=”galleries” container_ids=”1549″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post