Aksident tek mbikalimi i Kamzës, përmbyset “Ford”-i, dy vajzat përfundojnë në spital

Një aksident është shënuar mëngjesin e ditës së sotme tek mbikalimi i Kamzës, ku dy automjete, një “Seat” dhe një “Ford” janë përplasur mes tyre.

Burime nga vendngjarja kanë raportuar se për pasojë dy femra, drejtuesja e mjetit “Ford” dhe pasagjerja 22-vjeçare kanë mbetur të plagosura, të cilët janë dërguar me urgjencë në spital për marrjen e ndihmës së nevojshme mjekësore.

Aksidenti ka shkaktuar probleme në qarkullimin e mjeteve. Policia ka shkuar në vendngjarje ku ka nisur hetimin për zbardhjen e rrethanave.

Detaje të policisë:

Më datë 17.06.2017, rreth orës 08:33, në autostradën Durrës – Tiranë, tek mbikalimi i “Kamzës”, janë përplasur automjeti tip Ford, me drejtuese shtetasen B. Ll., 31 vjeçe, banuese në Durrës, me automjetin tip Seat, me drejtues shtetasin I. Z., 25 vjeç, banues në Durrës, ku për pasojë e përplasjes automjeti tip Ford është përmbysur.

Drejtuesja e automjetit tip Ford dhe pasagjerja shtetasja Z. S., 22 vjeçe, janë dërguar në S.Q.U., jashtë rrezikut për jetën për kontroll mjeksor. Grupi hetimor po punon për sqarimin e rrethanave të kësaj përplasje.

(XH.A/SHUPLAKA)