Një aksident ka ndodhur tek vendi i quajtur mbikalimi i plepave në Durrës. Mësohet se katër persona kanë mbetur të plagosur, dy drejtuesit e makinave dhe dy pasagjeret femra.
Ende nuk është bërë i ditur identifikimi i personave, por ata janë dërguar me urgjencë në spital në gjendje kritike për jetën.
Policia po punon për zbardhjen e plotë të ngjarjes.
Njoftimi i policisë:
Durrës. Informacion paraprak.
Më datë 09.10.2017, rreth orës 15:45, në unazën Plepa – Shkozet, tek mbikalimi, mjeti tip Renault me targa Italiane ET 981 DW, me drejtues shtetasin F.S. 36 vjeç, është përplasur me mjetin tip Benz me targa AA 446 BV, me drejtues shtetasin L.H. 29 vjeç, banues ne Tiranë. Pë pasojë janë aksidentuar drejtuesi I mjetit tip Benz dhe pasagjerët në mjetin e tij, shtetasit S.S. 31 vjeç, banues në Tiranë dhe P. Xh. 29 vjeçe, banuese në Rrogozhinë dhe pasagjerja në mjetin tip Renault, shtetësia N.P. 33 vjeçe, e cila është dërguar në Spitalin Ushtarak Tiranë për ndihmë më të specializuar. Të gjithë shtetasit e dëmtuar janë jashtë rrezikut për jetën. Grupi hetimor po punon për sqarimin e rrethanave të ngjarjes.
(S.SH/Shuplaka)
[ngg_images source=”galleries” container_ids=”2915″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
