Një aksident tragjik është regjistruar në aksin e rrugës Këlcyrë-Përmet. Si pasojë ngjarjes dyshohet se kanë mbetur viktima 8 persona. Viktimat dyshohet se janë klandestinë. Mësohet se personat në fjalë po ndiqeshin nga policia. Kjo e fundit ka bërë thirrje për ndalin, por shoferi nuk ka ndaluar dhe duke u arratisur është aksidentuar.. Makina drejtohej nga një shtetas nga Shkodra i identifikuar si Sokol Ismeti.
Njoftimi i policisë:
Këlcyrë/Informacion paraprak
Rreth orës 04:00, në aksin rrugor Këlcyrë- Përmet, në afërsi të fshatit Kuqar, dyshohet se si pasojë e humbjes së kontrollit mbi drejtimin e automjetit nga drejtuesi, automjeti tip Benz ka dalë nga rruga dhe ka rënë në anë të lumit Vjosë. Si pasojë e daljes nga rruga kanë humbur jetën 8 shtetas.( 7 shtetas dyshohet se janë nga vendet e treta dhe drejtuesi i automjetit nga Shkodra) Në vendngjarje ndodhet grupi hetimor i cili nën drejtimin e Prokurorit punon për sqarimin e rrethanave dhe shkakut të aksidentit. Gjithashtu në vendngjarje ndodhen Drejtori Vendor i Policisë, Drejtori i Departamentit për Kufirin, Drejtori i Policisë Rrugore dhe Drejtori i Rendit Publik. Po në vendngjarje ndodhen dhe dy grupe të Forcës Kombëtare të Sigurisë. Në përfundim të veprimeve të para do ketë njoftim më të detajuar.
Discussion about this post