Një aksident i rëndë rrugor është shënuar sot rreth orës 14:15 në vendin e quajtur “Antena”, në zonën e Qafë-Buallit, Bulqizë.
Sipas informacioneve paraprake, një automjet tip “Nissan” ka dalë nga rruga, duke shkaktuar vdekjen e dy personave, Burhan Gjoka dhe Destan Gjeta, si dhe plagosjen e shtetasit A. Gj., i cili po transportohet në spital për ndihmë mjekësore.
Të tre personat e përfshirë në aksident ishin punëtorë miniere, që po ktheheshin nga puna në momentin e ngjarjes.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
Njoftimi i policisë:
Bulqizë/Informacion paraprak
Rreth orës 14:15, në vendin e quajtur “Antena”, në Qafë-Buall Bulqizë, një automjet tip “Nisan”, ka dalë nga rruga. Si pasojë e këtij aksidenti, kanë humbur jetën shtetasit Burhan Gjoka dhe Destan Gjeta, si dhe ka mbetur i dëmtuar dhe po transportohet në spital për ndihmë mjekësore shtetasi A.Gj.
Grupi hetimor ndodhet në vendngjarje dhe po punon për zbardhjen e rrethanave të këtij aksidenti.
