Aksident tragjik në Durrës, makina përplas për vdekje 4-vjeçarin

Një aksident me pasojë vdekjen ka ndodhur në Durrës, ku një fëmijë 4 vjeç ka humbur jetën.

Fëmija është përplasur nga një makinë.

Aksidenti ka ndodhur në lagjen “Pavarësia” në Durrës.

Fëmija po tentonte të kalonte në anën tjetër të rrugës në momentin e përplasjes.

“Më datë 08.03.2018, në lagjen Nr.13 Plazh, Durrës një mjet tip Opel me targa Zvicre BE767006 , me drejtues shtetasin K.D. ka aksidentuar një fëmijë të mitur me iniciale B.B. 4 vjeç, i cili ka ndërruar jetë. 

Drejtuesi i mjetit është larguar nga vendi i ngjarjes.”-thuhet në njoftimin e Policisë.

(F.G/Faxweb.al)