Aksident tragjik në Milot-Morinë, automjeti përplaset me barrierën anësore! Shoferi humb jetën

Një aksident tragjik ka ndodhur në orët e para të mëngjesit të ditës së sotme në aksin rrugor Milot-Morinë.

Një automjet tip “Volkswagen” në të cilën udhëtonin dy shtetas është përplasur me barrierën anësore të rrugës. Si pasojë, ka ndërruar jetë shoferi i automjetit, A.Sh., 21 vjeç, banues në Shkodër.

Ndërsa pasagjeri K.A., është dërguar në spital ku po merr ndihmën mjekësore. Policia njofton se në vendngjarje është një grup hetimor që po heton për rrethanat e aksidentit.

Njoftimi i Policisë:

Lezhë/Informacion paraprak

Rreth orës 05:00, në aksin rrugor Milot-Morinë, automjeti tip “Volkswagen” me të cilin udhëtonin 2 shtetas është përplasur me barrierën anësore të rrugës.

Për shkak të dëmtimeve nga aksidenti, drejtuesi i automjetit, shtetasi A. Sh., 21 vjeç, banues në Shkodër, ka humbur jetën, ndërsa pasagjeri, shtetasi K. A., është dërguar në spital, ku po merr ndihmë mjekësore.

Grupi hetimor po punon për sqarimim e rrethanave të aksidentit.