Një aksident tragjik ka ndodhur në orët e para të ditës së sotme në vendin e quajtur te Rrapi në Sarandë. Një person i moshuar që udhëtonte me biçikletë ka humbur jetën teksa ka rrëshkitur në rrugë.
Ai ka mbetur rreth 30 minuta i shtrirë në rrugën e quajtur “Te rrapi”, thonë dëshmitarët që kanë qenë të pranishëm në vendin ku ka ndodhur aksidenti.
Në vendngjarje kanë shkuar uniformat blu dhe ambulanca, por fatkeqësisht nuk ka mundur të shpëtoj. Policia është duke punuar për ta zbardhur të plotë ngjarjen.
DETAJET E POLICISË:
Më datë 07.11.2017 rreth orës 11:40, Salla Operative Sarandë është njoftuar nga një telefonatë se në lagjen ”Nr.1”, tek ”Rrethrrotullimi i Butrintit”, një shtetas duke udhëtuar me biçikletë ka rrëshkitur dhe për pasojë ka humbur jetën.
Shërbimet e Policisë kanë shkuar në vendngjarje dhe nga verifikimi paraprak ka rezultuat se shtetasi D.L., 60 vjeç, banues në Sarandë, ka humbur kontrollin e mjetit biçiklet prej lagështirës së rrugës dhe për pasojë ka humbur jetën. Policia po punon për sqarimin dhe zbardhjen e plotë të rrethanave të ngjarjes.
(E.K/FAXWEB)
Discussion about this post