Aksident ujor, fundoset anija në brigjet e detit Egje

Në brigjet shkëmbore të ishullit Andros në detin Egje, është mbytur një anije transporti.

Anija “Cabrera” po lundronte drejt Finlandës, me një ngarkesë prej 3500 tonë hekur, por papritmas devijoi kurs dhe u përplas në shkëmbinjtë e ishullit Andros.

Tre rimorkiatorë dhe një helikopter, të cilët I erdhën në ndihmë të plagosurve, arritën të shpëtonin 9 anëtarët e ekuipazhit.

 Ata u dërguan në spital me gjendje hipotermie, por fatmirësisht ndodhen jashtë rrezikut për jetën.
Sipas mediave greke, në bordin e anijes ndodheshin më shumë se 20.000 litra naftë. Për këtë arsye pritet që zona ku ndodhi ky aksident detar të ndotet. (D.D/Shuplaka)