Të paktën 25 persona raportohen të vdekur pas rrëzimit të avionit me 81 persona në bord, në Rionegro të Kolumbisë. Ndërsa numri i të mbijetuarve deri më tani raportohet se është 6. Ndërkohë pritet identifikimi i personave të tjerë të cilët ishin në bord dhe raportimi për gjendjen e tyre.
Në bord ndodhej edhe ekipi i futbollit brazilian “Chapecoense”, i cili do të merrte pjesë në ndeshjen e përcaktuar nesër kundër Atletico National. Televizioni kombëtar kolumbian raportoi se Alan Ruschel, lojtar i ekipit, ishte i mbijetuari i parë që u transportua menjëherë në qendrën mjekësore në La Ceja. Mësohet se nëntë lojtarë të tjerë të ekipit nuk udhëtuan me pjesën tjetër, e për fat i shpëtuan aksidentit ajror.
Si pasojë e këtij aksidenti të rëndë ajror, Federata e Futbollit të Amerikës Jugore bëri me dije se janë pezulluar të gjitha aktivitet. Avioni u rrëzua pas disa turbulencash teksa po udhëtonte nga Bolivia drejt aeroportit ndërkombëtar, “José María Córdova”.
