12-vjeçarja e plagosur dje nga aksidenti që u regjistrua pasdite në Xibrakë, ka ndërruar jetë.
K.D. 12-vjeçe banuese në Durrës pas aksidentit u transportua fillimisht në spitalin e Elbasanit për ndihmën e parë, më pas duke parë gjendjen e rënduar u dërgua në Spitalin e Traumës në Tiranë.
Por pavarësisht ndihmës nuk mundi të mbijetojë, pasi plagët që mori nga aksidenti ishin të rënda.
12-vjeçarja po udhëtonte në makinën e drejtuar nga babai i saj së bashku me nënën dhe vëllanë.
E ndërsa prindërit dhe vëllai janë jashtë rrezikut për jetën, pasi kanë marrë plagë të lehta, 12-vjeçarja ndërroi jetë.
Makina e tyre tip “Toyota” me targa IZZ8177 që drejtohej nga D.D. 37 vjeç u përplas nga Bahri Begu 50 vjeç nga Tirana, i cili po drejtonte makinën tip “Benz” veturë me targa AA 643 SB.
Bahri Begu është arrestuar pas aksidentit, ndërsa pasagjerja ndodhet në spital, jashtë rrezikut.
Në aksident u përfshi edhe një makinë e tretë tip “BMË” me targa AA 391 AO drejtuar nga L.T. 32 vjeç banues në Korçë, e cila nuk pati pasoja.
Ditën e djeshme u regjistruan 5 aksidente në të gjithë vendin me 2 të vdekur dhe 16 të plagosur, ndërsa bilanci sot u rëndua, pasi ndërroi jetë edhe 12-vjeçarja që ishte në gjendje të rëndë.
(E.K/SHUPLAKA)
Discussion about this post