Pas aksidentit të deputetit Aqif Rakipi ka një reagim për mediat dhe nga ana e PDIU-së.
Në reagim i bëhet thirrje Prokurorisë që të zbardhë sa më parë ngjarjen pa u ndikuar politikisht.
Po ashtu PDIU kërkon që me këtë ngjarje fatkeqe të mos bëhet pre e abuzimeve politike nga ana e PD-së. Kujtojmë se në një deklaratë para pak minutash PD akuzonte Policinë se po manipulonte provat pasi Rakipi është mik i ngushtë i Ramës.
Deklarata e PDIU:
PD, në mjerim, kërkon të bëjë politikë e opozitë me një aksident tragjik e nuk sheh që është ende në qeveri; është për të ardhur keq që përpiqet mjerisht të abuzojë me raste aksidentesh e fatkeqësish. PDIU i kërkon Prokurorisë dhe Policisë të mos ndikohet politikisht në zbardhjen e kësaj ngjarjeje tragjike. I shprehim ngushëllime familjes së të ndjerit për këtë fatkeqësi tragjike.
(E.K/SHUPLAKA)
