Aksidenti i rëndë/ Makina del nga rruga, dërgohen në Spitalin e Traumës 2 të rinjtë

Një aksident i rëndë ka ndodhur përpara pak minitave në aksin Fushë Krujë-Tiranë, ku drejtuesi i një mjeti ka humbur kontrollin e tij gjë e cila ka bërë që makina të dalë nga rruga.

Si pasojë e aksidentit kanë mbetur të plagosur rëndë dy të rinj, përkatësisht shtetasi me inicialet F.V., 25-vjeç që ishte edhe drejtuesi i mjetit dhe pasagjeri A.Ç., 19-vjeç të cilët janë dërguar në Spitalin e Traumës në Tiranë dhe ndodhen nën kujdesin e mjekëve.

Ndërkohë, Policia njofton se ndodhet në vendngjarje dhe po punon për zbulimin e shkakut dhe rrethanave të ngjarjes.

Njoftimi i plotë:

Informacion Paraprak

Më datë 13.03.2019, rreth orës 18:00, në aksin rrugor Fushë Krujë -Tiranë , në Kamerras , shtetasi F.V., 25 vjeç, duke drejtuar automjetin e tij, ka humbur kontrollin dhe për pasojë është aksidentuar vetë dhe pasagjeri shtetasi A.Ç., 19 vjeç , të cilët u transportuan në Spitalin e Traumës Tiranë dhe ndodhen nën kujdesin e mjekëve.

Grupi Hetimor ndodhet në vendngjarje dhe po punon për përcaktimin e shkakut të aksidentit.

(F.GJ/FAXWEB.AL)