Aksidenti i rëndë në Tepelenë, çifti në gjendje kritike për jetën

Një aksident rrugor u raportua pak orë më parë në aksin Memaliaj-Krahës, në afërsi të fshatit Toç, Memaliaj.

Është përplasur  një automjet tip  “VolksWagen” me autobuzin e linjës Sarandë–Elbasan.

Fillimisht  u raportua se një grua kishte vdekur por bëhet me dije se shtetësja me iniciale Sh.Xh ndodhet në reanimacion në Spitalin Rajonal “Omer Nishani”, Gjirokastër.

Gjithashtu është dëmtuar rëndëdhe drejtuesi i autoveturës shtetasi E.K.

Pasagjerët e autobusit  po marrin ndihmë mjeksore por nuk raportohet për persona në gjendje të rëndë.

Informacion i policisë:
Në aksin rrugor  Memaliaj -Krahës, në afërsi të fshatit Toç, Memaliaj janë përplasur  automjet “volkswagen” me autobuzin e linjës Sarandë–Elbasan, ku si pasojë janë dëmtuar drejtuesi i autoveturës(shtetasi E.K) dhe pasagjeria (Sh.Xh), e cila ndodhet në reanimacion në Spitalin Rajonal “Omer Nishani”, Gjirokastër.

Gjithashtu janë dëmtuar lehtë dhe disa pasagjerë të autobuzit, të cilët po marin ndihmë mjekësore.

Grupi hetimor ndodhet në vendngjarje dhe po punon për zbardhjen e shkaqeve të aksidentit.