Aksidenti me 5 të plagosur në rrugën e Kombit, dalin detaje të reja (Emrat)

Një aksident i rëndë ka ndodhur mesditën e sotme rreth orës 13:30 në rrugën e Kombit ku burime për Faxëeb.al thonë se janë përfshirë dy automjete.

Nga informacionet mësohet se nga ky aksident i cili ka ndodhur në aksin Milot-Rrëshen, kanë mbetur të plagosur 5 persona dy prej të cilëve në gjendje të rëndë të cilët janë dërguar me urgjencë drejt Spitalit të Traumës në Tiranë (lexo këtu).

Burime për Faxweb.al bëjnë me dije se mjetët e përfshira në aksident janë një Range Rover me targë AA 131 SE, me drejtues Ada Nikolla, 32-vjeçe dhe një Chevrolet më targë AA 243 UJ, me drejtues Klajdi Margjini, 29-vjeç.

Për pasojë janë dërguar në spital 5 personat që udhëtonin në dy automjetet dy prej të cilëve në Spitalin e Traumës në Tiranës pasi ndodhen në gjendje të rëndë.

Njoftimi i Policisë:

Në autostradën Milot-Rreshen në afersi të Urës me Harqe, mjeti me drejtues shtetasin K.M.,29 vjeç, banues në Tiranë është përplasur me mjetin me drejtues shtetasin A.N. 37 vjeç, banues në Burrel.

Në të dy mjetet ndodheshin si pasagjerë shtetasit A.M.,25 vjeç,banues në Tiranë,N.K.,19 vjeç,banues në Kurbin si dhe A.N.,32 vjeçe, banuese në Tiranë.

Si pasojë e përplasjes kanë marrë demtime dhe janë transportuar në spitalin e Traumes në Tiranë ku ndodhen nën kujdesin mjekësor.

Grupi hetimor vazhdon veprimet në vendngjarje për sqarimin e rrethanave të aksidentit.

(F.GJ/FAXWEB.AL)