Një 25-vjeçar është arrestuar nga ana e policisë pas aksidentit me dy viktima të ndodhur mbrëmjen e djeshme në aksin Elbasan-Cërrik, ku një makinë përplasi një motorçikletë.
Dy viktimat u identifikuan si 56-vjeçari Fatos Qosa, i cili ka vdekur në duart e mjekëve ndërsa nuk ka mundur t’iu mbijetonte dot plagëve të marra, dhe Ervis Driza 35-vjeç. Ky i fundit ishte drejtues i mjetit motorçikletë dhe humbi jetën në vendin e ngjarjes.
Njoftimi i policisë:
Specialistët e Qarkullimit Rrugor në DVP Elbasan, në përfundim të veprimeve të para hetimore arrestuan në flagrancë shtetasin: A.Sh., 25 vjeç, banues në fshatin Jagodin, Elbasan.
Arrestimi i tij u bë pasi duke drejtuar mjetin tip “Audi”, në aksin rrugor Elbasan- Cërrik, në fshatin Shirgjan, Elbasan, është përplasur me motoçikletën, dhe për pasojë kanë humbur jetën drejtuesi i motoçikletës shtetasi E.D., 35 vjeç, dhe pasagjeri i motoçikletës shtetasi F.Q., 56 vjeç, banues në fshatin Shirgjan, Elbasan.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
Rëndohet bilanci nga aksidenti tragjik në Elbasan, ndërron jetë në spital 56-vjeçari (EMRI)
