Aksidenti me një të vdekur në Shkodër, arrestohet një ditë më pas shoferi

Policia e Shkodrës ka vënë në pranga 41-vjeçarin G.B pasi mbrëmjën e djeshme përplasi me makinë një 31-vjeçare, e cila po levizte me biçikletë.

E reja për shkak të plagëve humbi jetën. Shoferi u arrestua një ditë pas ngjarjes së rëndë.

Njoftimi i policisë:

Shkodër

Specialistët e Qarkullimit Rrugor arrestuan në flagrancë shtetasin G. B., 47 vjeç, banues në fshatin Shtoj i Ri, Shkodër, për veprën penale “Shkelja e rregullave të qarkullimit rrugor”.

Ky shtetas, më datë 22.06.2022, rreth orës 21:20, në aksin rrugor Shkodër-Koplik, në fshatin Shtoj, duke drejtuar automjetin e tij, ka aksidentuar me pasojë vdekjen shtetasen Z. B., 31 vjeçe, banuese në fshatin Shtoj i Ri, Shkodër, e cila po lëvizte me biçikletë.

Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.