Policia ka dalë me një deklaratë zyrtare lidhur me aksidentin e ndodhur pasditen e sotme në aksin rrugor Pogradec-Lin. Një motor me dy turistë italianë u përplas me një kamionçinë dhe një prej italianeve (femër) u lëndua rëndë.
E.R., 31 vjeçe u dërgua në spital dhe është në gjendje të rëndë shëndetësorë. Aksidenti ndodhi rreth orës 15:50 në vendin e quajtur Piskopat.
Motori i ka prerë rrugën kamionçinës dhe këtu ndodhi përplasja, buzë liqenit Ohër.
Njoftimi i Policisë:
Pogradec/Informacion paraprak
Më datë 19.09.2023, rreth orës 15:50, në aksin rrugor “Pogradec-Lin”, pranë fshatit Piskupat, Pogradec, automjeti tip “Benz” me drejtues shtetasin A. B., 33 vjeç, është përplasur me një motomjet me drejtuese shtetasen italiane E. R., rreth 31 vjeçe, e cila për pasojë është dëmtuar dhe ndodhet në spital në gjendje të rëndë shëndetësore, ndërsa 33-vjeçari ndodhet në vendngjarje.
Paraprakisht dyshohet se aksidenti ka ndodhur, si pasojë e prerjes së menjëhershme të rrugës nga drejtuesja e motomjetit, e cila ka qenë duke dalë me mjetin e saj nga pjesa buzë liqenit të Ohrit, në rrugë.
Grupi hetimor ndodhet në vendngjarje dhe nën drejtimin e Prokurorisë po punon për zbardhjen e rrethanave, dokumentimin e ngjarjes si dhe përcaktimin e shkaqeve të aksidentit.
Discussion about this post