Pas aksidentit që ndodhi sot në Divjakë, mësohet se një nga të plagosurit, ka ndërruar jetë në spital.
Ngjarja e rëndë ka ndodhur rreth orës 20:35 në fshatin Mizë, ku një makinë është përplasur me një motoçikletë, mbi të cilën udhëtonin dy persona. Si pasojë kanë mbetur të plagosur 2 persona, mirëpo njëri prej tyre mësohet se sapo ka ndërruar jetë në spital.
Ende nuk bëhet i ditur identiteti i të ndjerit, por vetëm inicialet e tij, L.S. Si pasojë e kësaj ngjarjeje, është arrestuar drejtuesi i “Benzit” me iniciale A.M. Ndërkohë policia vijon hetimet.
“Në datën 27.05.2017, rreth orës 20:35, në fshatin Mizë, Divjakë, shtetasi A.P, 32 vjeç, banues në fshatin Mizë, duke drejtuar mjetin tip “Benz”, me targa AA 634 BE, është përplasur me një motorçikletë.
Si pasojë është aksidentuar drejtuesi i motorçikletës shtetasi M.M, 32 vjeç, banues në fshatin Kryekuq, Divjakë, dhe pasagjeri në motorçikletë, shtetasi L.S, të cilët janë dërguar në spitalin Lushnje dhe ndodhen nën kujdesin e personelit mjekësor.
Shtetasi L.S është në gjendje të rëndë shëndetësore.
Është shoqëruar në Komisariat shtetasi A.P dhe po kryhen veprimet procedurale.
Grupi hetimor ndodhet në vendngjarje dhe po punon për zbardhjen e shkaqeve të këtij aksidenti.”, thuhej në njoftimin e parë të policisë. (D.D/shuplaka)
