Klejdi Halili, i riu që humbi jetën bashkë me Ergin Dinin pas një aksidenti me motor në ish-Bllok, ishte djali i vetëm i gazetares, poetes dhe pedagoges së njohur të Universitetit të Tiranës, Erenestina Halilit.
Me anë të një postimi në rrjetet sociale, kjo e fundit falenderon të gjithë ata që i kanë qëndruar pranë asaj dhe familjes Halili pas ngjarjes tragjike.
“E dashur mike, mik, i njohur, i panjohur, student/e, të afërm, pedagogë të tim biri, shoqe e shokë të tij, kolegë, lexues… Përulem ndaj dashurisë, respektit, mbështetjes, dhimbjes, lotit, njerëzisë suaj! Bota ende qëndron, se ka ende njerëz si ju! I lutem Zotit për çdo nënë, që derdhi lotë për tim bir, të ketë gëzim e paqë, t’i mbushet prehëri me nipa e mbesa! Bekuar qofshin vatrat tuaja! Era”, shkruan Halili në Facebook.
Ngjarja në fjalë ndodhi mbrëmjen e 21 Nëntorit në Tiranë, pranë Ambasadës ruse.
